Níl ní ar bith is áille ná’n ghealach os
cionn a’ tsáile
Ná bláth bán na n-áirní bhíos a’ fás ar an droighean
O siúd mar bhíos mo ghrá-sa, ‘na trillsí le breáchta
Béilín meala na páirte nach ndearn ariamh claon
Is tuirseach ‘s is brónach a chaithims’ an Domhnach
Mo hata ‘n mo dhorn liom ‘s mé ag osnaíl go trom
Mé ‘g amharc ar na bóithre a mbínn ‘s mo ghrá’ gabháil ann
‘Nois ag fear eile pósta is mo h-och nach í ‘n fheall
Nach mise ‘tá thíos leis a’ phósadh seo ‘dhéanamh
‘S nach gcodlaím aon oích’ ach ag osnaíl go trom
O nár fhágaidh mé ‘n saol seo go rabh mé ‘s mo chéad-searc
Ar an aon leabaidh sínte ‘s mo lámh faoi n-a cionn
Is buachaill deas óg mé ‘tá ag triall ‘un mo phósta
‘S ní buan i bhfad beo mé mur’ bhfaghaidh mé mo mhian
A chuisle is a stóirín, déan réidh ‘gus bí romham-sa
Cionn deireannach den Domhnach ar Bhóithrín Droim Sliabh
